Manamaw Ginra Gasat Gala Majan Matut Laja Nga Ai Lam

Pajau Media

November 5.2025

KIA Masat 3 Dap Ba ginra Manmaw de Myen hpyen Dap hte KIA Lapran gasat gala majan matut laja nga dingyang re lam chye lu ai.

 Manmaw Dakkasu Jawng, Nam Hpa, Tar Mai Lung maga de Myen hpyen dap gaw Laknak Kaba Gap ai lam, Ga lam hku mung hpyen n-gun htu shadut htim gasat ai majaw KIA pawng hpawm hpung ni hte shani shagu gasat gala majan laja nga ai re hpe chye lu ai.

Hk.L.Y 47 hte Deng 3 mare maga de mung shani shagu gasat gala majan byin ai hta Dap shara zing madu ai lam n nga ai raitim lahkawng maga hpyen masa shaja hkat nga dingyang re.

Myen Hpyen Dap gaw Manmaw ginra hpe zing madu lu na matu Nbungli, Drone, Laknak kaba ni jai lang nna matut manoi htim gasat ai hpe KIA pawng hpawm hpung ni mung matut manoi ninghkap gasat nga ai re.

KIO hte Miwa Asuya hkrum ai hpang Manmaw majan zim mat ai lam shiga ni mawng nga ai raitim tatut hta gaw gasat gala majan laja nga ai re hpe chye lu ai.

Shiga - Htu Seng