Manaw Ginra KIA Kawn Htu Shadut Htim Gasat Ai Lam Bai Hpang Nga

Pajau Media

14 January 2026

Manmaw muklum zing majan gaw KIA pawng hpawm hpung ni kawn January 14 ya kaw nna bai htu shadut htimg gasat majan bai laja wa ai re lam chye lu ai.

Jahpawt daw hkying 6 daram kaw nna Manmaw ginra kata nga ai Myen Hpyen Dap, dap shara ni hpe KIA pawngh pawm dap ni bai htu shadut htim gasat ai majaw majan bai laja nga ai re lam chye lu ai.

Lai wa sai December 25 ya kaw nna Manmaw maga de Myen Hpyen Dap shara ni hpe KIA pawng hpawm dap ni htu shadut ai majaw gasat gala majan gaw ya aten du hkra matut manoi laja nga ai re lam chye lu ai. Myen Hpyen Dap kawn nbungli, drone, laknak kaba hpan hkum hte matut manoi htu shadut nga ai re lam chye lu ai.

Manmaw muklum zing majan gaw laning mi jan na wa sai rai nna KIA kawn dap shara law malawng hpe htim gasat zing madu da lu sai raitim zepzi zing madu lu na matu matut manoi htim gasat nga dingyang re lam chye lu ai.

Shiga- Htu Seng