Shata Mi Jan Pat Da Ai Hpakant Lam Dai Ni Bai Hpaw Sai Lam

Pajau Media

May 27, 2026

KIA maga kawn hpyen masa a majaw April 22 ya shani kaw na pat tawn da ai Hpakant-Namya-Kamai lam hpe dai ni May 27 ya shani hta bai hpaw ya sai lam Hpakant ginra masha ni kawn chye lu ai.

Dai lam hpe Hpakant de rai htaw shalai ai hte jawng ma ni jawng hpaw ten hkawm sa mai na matu bai hpaw ya ai re hpe ginra masha ni tsun ai kawn chye lu ai.

Hpakant-Namya-Kamai lam hpe KIA maga kawn tara shang bai hpaw sai lam ndau da lam nnga ai rai tim May shata lahkawng ngu na bat hkan kaw na myen hpyen dap jaw ai ahkang hte mawdaw kaji kaba ni hte ginra masha nkau ni cycle ni hte hkawm sa taw sai lam chye lu ai.

Dai lam hpe Myen hpyen dap kawn uphkang da nan, Hpakant de hpyen n-gun jet ai ni galaw nga ai majaw lam mayan majan bai byin nga nna lam bat na hpe ginra masha ni tsang nga ma ai re.

Shiga-Zau