Mandalay-Myitkyina Byuha Lam Ntsa Na Tigyaing-Kata-Indaw Lam Hpe Jahkring Gan Pat Ai Lam

Pajau Media

May 25, 2026

Majan masa a majaw Mandalay-Myitkyina Byuha lam ntsa hta nga ai Tigyaing-Kata-Indaw-Namsiaung-Mawlu-Naba lam hpe jahkring gan pat na hpe masat 1 hpyen ginjaw ginra Kata ginwang uphkang dap kawn ndau da ai re.

Myen hpyen dap kawn poter rim la ai ni, mung shawa mawdaw ni hpe hpyen lang rai ni htaw shalai nga ai majaw dai lam hpe jahkring gan pat ai hpe ndau da ai re.

Maga mi hta mung dai lam hta hpyen laknak ni htaw shalai nga ai hpyen mawdaw ni hpe KIA pawng hpawm hpung kawn htim gasat wa ai majaw lahkawng maga shada hpyen masa laja nga nna, majan mung matut byin nga ai hpe chye lu ai.

Dai majaw mung shawa ni gaw ndau laika hpe atsawm sha hkan nang na matu mung tsun da nna dai ndau laika hpe nhkan nang yang hpang de byin wa na mang hkang hpe lit la hparan ya na nre hpe mung ndau da ai re.

Shiga-Hpring