Mandalay-Myitkyina Mawdaw Lam Kaw Sau Mawdaw Kaba Ni Hpe Nbungli Bawm Jahkrat Ai Lam

Pajau Media

December 19.2025

Mandalay-Myitkyina hkrun lam n tsa na sau mawdaw kaba ni hpe Myen Hpyen Dap kawn nbungli bawm jahkrat bun ai lam mawdaw la ni tsun ai kaw na chye lu ai.

Mandalay-Shwebu -Myitkyina hkrun lam hte Khin U Muklum lambraw shara kaw Myen Hpyen Dap het fighter hte bawm wa jahkrat bun ai majaw wanhkru hten za ai lam chye lu ai.

Dai majaw Myen Hpyen Dap gaw Myitkyina-Mandalay lam n tsa hkrun lam hkawm mawdaw ni hpe nbungli hte dingsa gasat ai majaw mawdaw ni hten za ai sha n-ga mung masha hkra hkala asak si sum ai lam ni mung nga ai re hpe chye lu ai.

Dai zawn Myen Hpyen Dap kawn sau mawdaw ni hpe masat shingte nna nbungli bawm gasat ai majaw Jinghpaw Mung kata sau bai taw wa na hpe mung mung masha ni myit tsang nga ma ai re.

Shiga: Hpring