Manhkring Lawk Kaw Ramma Langai Sinat Gap Hkrum Ai Lam

Pajau Media

August 23, 2025

Jinghpaw Mung Myitkyina Manhkring Lawk kaw August 22 ya shana hkying 8:00 jan aten daram hta Ramma langai sinat gap hkrum nna magyi kaw hkala mat ai lam chye lu ai.

Mabyin gaw Shana 8:00 jan aten daram hta Manhkring lawk သားအဖရုပ်ထု makau kaw lam hkawm nga ai aten mying n chye lu ai hpung ni kawn sinat gap dat ai re lam chye lu ai.

"Mana de rai nga anhte lawk maga de lagut damya law wa ai majaw lawk salang ni gaw lawk shimlam shaja na matu bawng ban ngut ai hpang wa ai aten gap hkrum ai re. Langai gaw sinat hkra hkala mat ai, tsi rung de du ra mat ai, magyi kaw hkra ai re" nga nna lawk kaw na masha langai tsun ai re.

Manhkring Lawk kaw lagut damya grai law wa ai majaw lawk salang ni hku nna ramma ni hte Kawa la ni galai nna aten hte aten lawk shimlam la na matu bawng ban hpawng ngut ai hpang wa ai aten gap hkrum ai re hpe mung chye lu ai.

Sinat hap manghkang shabyin ai gaw kadai ni re n chye lu ai lam, Manhkring lawk kaw n dai laman lagut damya manghkang ni grai law wa ai majaw shani shana hkawm sa hkawm wa lam hta grai sadi maja let hkawm sa ra ai lam lawk masha ni tsun ai kaw na chye lu ai.

Shiga - Htu seng