Manmaw Ginra De Gasat Gala Majan Matut Manoi Byin Nga Nna Myen Hpyen Nbungli Bawm Laja Lana Gap Bun Nga Ai Lam

Pajau Media

August 26.2025

KIA Masat (3)Dap ba ginra Manmaw Muklum htim gasat majan gaw ya aten du hkra laja nga dingyang re lam chye lu ai.

Ya aten Manmaw Muklum kata ah myawk Dap (366) hte nbungli pa shara ni sha n- ga shara law malawng hta August 24 ya jahpawt daw kaw nna Myen hpyen dap nbungli bawm jahkrat gap gasat nga ai re lam chye lu ai.

Manmaw ginra de August praw kaw nna Hpyen n-gun lak nak htaw lung wa ai sanghpaw hpung ni du shang wa ai hpang kaw nna shani shagu gasat gala majan laja nga ai re.

Myen hpyen hpung ni gaw lagaw lam htu shadut majan sha-ga nbungli, drone, lak nak kaba hpan hkum hte laja lana gap gasat nga ai re.

Dai zawn sha Hpakant ginra de mung n dai laman Hpyen n gun jat nna hpyen shamu shamawt nga dingyang re majaw Shani shagu gasat gala majan byin nna Mung masha asak si sum lam jahkring hkring byin nga ai re hpe mung chye lu ai.

Shiga - Htu Seng