Manmaw Ginra De Myen Hpyen Dap Kawn Malu Masha Hte Laknak Arung Arai Htaw Shalai Ai Lam Shini Shagu Galaw Nga Ai Lam

Pajau Media

December 17, 2025

KIA masat 3 Dap Ba Manmaw maga de gasat gala majan matut manoi byin nga dingyang rai nna Myen Hpyen Dap gaw hpyen laknak arung arai ni hte malu masha ni mung matut manoi htaw shalai la nga dingyang re lam chye lu ai.

Myen Hpyen Dap gaw n dai laman Ts.K.Hk 21 Dap maga de n bungli hte malu masha laknak arung arai ni wa jahkrat ai lam galaw nga ai re. Ya na zawn laknak n-gun jat dingyang re hte rawt malan hpung ni shara la nga ai ngu maram lu ai ginra ni de laknak kaba gap shadam ai lam, nbungli bawm jahkrat ai lam ni galaw ai majaw Manmaw ginra kata shani shagu gasat gala majan byin nga ai re lam chye lu ai.

Dai sha n-ga KIA Dap Ba 1 Ginra Putao de mung Myen hpyen dap hpyen shamu hkawm ai lam, hpyen n-gun jat bang ai lam ni dingyang galaw nga ai lam ginra masha ni kaw na chye lu ai. Myen Hpyen Dap gaw Putao ginra hta ra lata poi galaw lu hkra shakut nga ai sha n-ga n htoi ni wa ai majaw mung muklum kata hpyen n-gun jat ai lam ni grau galaw wa ai re lam chye lu ai.

Hpyen n-gun jat ai sha n-ga hpyen hpung hku shamu ai lam hte laknak kaba ni gap shadam ai lam ni galaw ai majaw KIA pawng hpawm hpung ni hte jahkring hkring gasat gala majan byin ai re. Putao, Machyang Baw hte Hkawng Lang Hpu ginra ni hta hpyen masa grai shamu nga ai re lam mung matut sagawn chye lu ai.

Shiga: Htu Seng