Manmaw Ginra Hta Gasat Gala Majan Matut Laja Nga

Pajau Media

August 14, 2025

Jinghpaw Mung Manmaw Muklum hta Myen hpyen dap hte KIA pawng hpawm hpung ni lapran dai hpawt daw kaw nna gasat gala majan grau laja wa ai re hte nbungli bawm lahkawng lang wa jahkrat bun ai lam chye lu ai.

“ Dai hpawt jau hkying 6 aten daram kaw kalang, hkying 7 daram kaw kalang nbungli bawm hte wa gap bun ai re, ngut na si hkam bawm drone ni hte mung matut manoi gap bun nga ai re ” nga nna shawng lam shi sawk ni tsun ai re.

August 13 ya jahpawt hkying 6 jan aten daram hta mung Myen hpyen dap Jet nbungli hte 3 lang wa gap bun ai nna drone bawm mung gap bun dingyang re lam chye lu ai.

Myen hpyen dap gaw August praw kaw nna Manmaw Muklum kaw nga ai dap shara ni hpe bai lu la hkra Ga lam hku sha n-ga nbungli, drone ni hte matut manoi gap bun ai lam grau galaw wa ai re hpe mung chye lu ai.

Myen hpyen dap gaw Hka lam hku nna Lak nak rung rai htaw la nna Ga lam hku mung htu shadut ai lam galaw ai nga ai re. Manmaw tat sum ai lam n nga hkra Myen hpyen dap ladat amyu myu lang nna htim gasat nga dingyang re hte Manmaw Muklum zing majan gaw shata 8 daram na wa sai re hpe mung chye lu ai.

Shiga - Hpring