Manmaw Ginra Kaw Myen Hpyen Dap A Shara (3) Hpe KIA Pawng Hpawm Ni Bai Zing Ai Lam

Pajau Media

October 9, 2025

Gasat gala majan laja nga ai Manmaw ginra kata na Myen hpyen dap ni zing madu da ai shara (3) hpe KIA pawng hpawm hpung ni bai zing madu ai lam chye lu ai.

October 9 ya jahpawt daw hkying 5:30 aten daram hta Myen hpyen dap shara la da ai Deng (2), Deng (3) mare hkan na shara (3) daram hpe KIA pawng hpawm hpung ni bai zing madu da lu sai lam chye lu ai.

Dai shara (3) hpe KIA pawng hpawm hpung ni zing madu da ai hpang Myen Hpyen Dap a Nbungli bawm, Drone bawm, Laknak kaba ni hte laja lana htim gasat ai majaw tat kau ai shara ni hpe KIA kawn bai zing madu ai lam re hpe chye lu ai.

October 9 ya shani ka-ang hkying 12 aten hta mung Hpakant ginra Malang Tung mare kaw Myen hpyen dap Nbungli bawm 2 lang wa jahkrat ai majaw hkala hkrum ai masha nga ai lam chye lu ai.

Shiga- Htu Seng