Manmaw Majan Byin Nga Ding Yang Re Ai Lam

Pajau Media

May 16, 2026

Shang lawt dap KIA kawn hpang taw nga ai Manmaw zing majan shani shagu byin nga ding yang re hpe chye lu ai.

Manmaw kaw nga ai KIA pawng hpawm hpung ni dap dung da ai Pawtkong, Kakku Taw zawn re lawk shara hkan myen hpyen dap kawn drone hte gasat ai ni, nbungli hte gasat ai hte hpyen htu shadut ai ni shani shagu galaw nga ai hpe chye lu ai.

Dai sha n-ga myen hpyen dap gaw S.K.KH. 21 shara hta mung Y-8 nbungli hte lusha rai hte hpyen lang rai hpyen n-gun ni jat nga ai lam hpe chye lu ai.

KIA dap ba 7 Machyangbaw ginra hta mung hpyen n-gun 50 ram nga ai myen hpyen dap gaw Nawngmun de hpyen shamu wa ai majaw aten ntam majan byin wa chye ai nga lam na chye lu ai.

Dai sha n-ga Indaw-Myitkyina lam hku lung wa ai Myen hpyen dap gaw Myitkyina muklum kata March shata praw 12 ya shani mawdaw law law hte shang wa ai hpang Waimaw ginra hte Myitkyina lahta maga hpyen shamu shamawt wa nga ai hpe hpyen shi shawk ni kawn chye lu ai.

Shiga-Zau