Manmaw Majan Laning Mi Na Sai Rai Tim Matut Manoi Laja Nga

Pajau Media

4 December 2025

2024 Ning December Praw 4 hta hpang wa ai KIA Paqng Hpawm Hpung ni a Manmaw zing majan gaw laning mi hpring sai re. Manmaw zing majan hta KIA woi awn let ginra PDF ni sha n ga, kaga pawng hpawm hpung ni mung lawm ai re lam chye lu ai.

 Manmaw hte Manje lahkawng yan kalang ta htim gasat wa ai re hte Manje hpe gaw 2025 ning January 18 ya shani zing madu la lu nna, Mansmaw hpe gaw dai ni du hkra nlu zing la shi nna majan matut manoi laja nga dingyang re lam chye lu ai.

Myen Hpyen Hpung ni mung Manmaw hpe ntat sum hkra laknak n-gun, masha n-gun law law lang let ning hkap gasat taw nga ai re.

Myen Hpyen dap lang ai laknak ni hta hpri gang madaw, jet nbungli hpan law law ni sha n ga, madang tsaw ai drone hpan law law, shana kaw mu lu ai Night Vision drone, suicide drone ni hte KIA pawng hpawm hpung maga na drone ni nlu sa hkra drone jammer hpan law law hpe mung jai lang nga ai re.

Myen Hpyen Dap gaw nbungli, hka shanghpawli ni hte laknak n-gun, hpyen n-gun jat bang nga ai rai nna, May shata 20 ya shani hta Manmaw de lu sha gunrai wa jahkrat ai Helicopter lahkawng hpe KIA pawng hpawm hpung ni kaw na lu gap jahkrat kau ai lam chye lu ai.

Manmaw majan hta pawng hpawm hpung ni hku nna Myen hpeyn dap a hpri gang mawdaw dap(7006), amyawk dap (366), Nbungli pa, Hk.l.y.(236), hte kaga myen hpyen ni la da ai shara ni hpe zing madu la lu sai re.

Ya ten hta Manmaw Muklun a shara law malawng hpe gaw pawng hpawm hpung ni jum da lu sai rai nna, ngam nga ai S.k.hk(21), Hk.l.y(47) hte kaga ngam nga ai hpyen dap ni hpe matut htim gasat taw ai re.

Shiga- Zaw