Manmaw Muklum De Du Nga Ai Myen Sanghpaw Hpung Ni Bai Nhtang Yu Wa Ai Lam

Pajau Media

5th September, 2025

Jinghpaw Mung Manmaw Muklum de du nga ai myen hpyen dap sanghpaw hpung ni gaw dai hpawt daw bai n htang yu wa mat ai lam chye lu ai.

Sanghpaw 6 rai nna August praw 1 ya shani Manmaw ginra de hpyen laknak arung a rai, malu masha ni wa sa ai sanghpaw hpung ni re hpe chye lu ai.

Sanghpaw hpung ni bai n htang yu wa ai lam hpe jasan ai hku nna Mali hka makau mayan hkan na Mare kahtawng ni de myen hpyen dap nbungli hku gap gasat wa mai ai majaw mali hka mayan shanu nga ai Mung masha ni sadi maja ra ai lam tsun sadi jaw da ai re.

Hpyen garum sanghpaw hpung ni du shang wa ai hpang kaw nna Manmaw Muklum zing majan gaw grau grau laja wa ai rai nna ya aten du hkra majan naw laja nga ai re.

Myen hpyen dap sanghpaw hpung ni gaw lai wa sai July 17 kaw nna 22 ya laman Mandalay sanghpaw daru kaw nna Jinghpaw Mung manmaw de hpyen garum lung wa ai hpung ni re hpe chye lu ai.

Shiga - Hpring