Manmaw Muklum Kata Gasat Gala Majan Matut Manoi Byin Nga Ai Lam

Pajau Media

August 5, 2025

Manmaw Muklum zing majan hta August 4 ya du hkra gasat gala majan matut manoi byin nga ai rai nna, Myen Hpyen dap gaw Tatma 88 de Hpyen n-gun jat bang na matu galaw nga ai re lam Banmaw Scout Team kaw nna chye lu ai.

Myen Hpyen dap gaw Tatma 88 kata de hpyen n gun jat na matu shakut nga ai zawn, lai wa sai shani hta mung myen hpyen dap sanghpaw hpung ni mung Manmaw de matut manoi lung nga ai re hpe chye lu ai.

Manmaw Muklum de lung wa ai Myen hpyen dap hpung ni gaw August 1 ya shana hkying 9:00 aten daram hta du shang wa nna Masha n-gun hte arung arai ni hpe wa jahkrat ai re hpe chye lu ai.

Manmaw Ginra Mali Hka hkyin gau mayan Hkun Tar, Tat Kalay, Shwe Kyi Na mare ni hkan hpyen shamu shamawt ai lam dingyang galaw nga ai re.

Myen hpyen dap sanghpaw hpung ni du shang wa ai hte n bungli, drone ni mung hkyin gau mayan gap bun ai lam ni dingyang galaw nga ai re hpe chye lu ai.

Ya na zawn gasat gala majan hta Manmaw Chyun Gyi mare kaw nna asak 17 ning re ai amyu shayi langai asak si sum mat ai lam chye lu ai.

Shiga-Htu Seng