Manmaw Muklum Zing Madu Majan Hta Tank Mawdaw Langai Hpe KIA Kawn Jahten Kau Lu Ai Lam

Pajau Media

20th August 2025

Jinghpaw Mung Manmaw Muklum zing madu majan gaw laja nga dingyang rai nna gasat gala majan hta Myen hpyen dap kawn nbungli hku sha n-ga Tank mawdaw ni mung lang nna htim gasat ai hta Tank mawdaw langai hpe KIA pawng hpawm hpung ni zing madu lu ai lam chye lu ai.

Manmaw ginra zing madu majan gaw shata ( daram na wa sai rai nna ya aten Manmaw Ts.K.HK (21) hte Muklum kata ahkyak ai shara (5) daram kaw gasat gala majan laja nga dingyang re lam chye lu ai.

Manmaw majan hta KIA pawng hpawm hpung ni gaw myen hpyen dap a masat (5014) Tank mawdaw dap, Masat (7006) Hpri Gang dap ni hpe mung zing madu la lu ai hta Hpri Gang mawdaw (7) daram hpe mung zing madu da lu ai lam chye lu ai.

August praw kaw nna Myen hpyen dap sanghpaw hpung ni Manmaw Muklum de du shang wa ai hpang masat (21) dap de wa sa tawn da ai Lak nak arung arai ni hpe bai garan shabra nna htu shadut htim gasat nga ai majaw gasat gala majatu manoi laja nga ai re hpe mung chye lu ai.

Shiga - Hpring

Video Credit to Owner