Manmaw Tat Sum kau Sai Shara N Kau Bai Lu La Sai Lam

Pajau Media

August 16.2025

Jinghpaw Mung kata gasat gala majan laja ai Manmaw Ginra hta Myen hpyen kawn lagaw Lam, n tsa lam hku nna ladu lai htu shadut ai majaw tat sum kau ai shara n kau hpe KIA pawng hpawm hpung bai lu la ai lam shawng lam shi sawk ni tsun ai.

" Manmaw de n dai laman majan grai htu ai, lagaw lam hte nbungli drone nau gap ai majaw Manmaw ah myawk dap hte nbungli pa hpe tat kau ai re, raitim ah myawk dap hpe bai lu la sai, ya ma majan laja nga ai" nga nna Manmaw ginra ahawng lam shi sawk ni kaw na chye lu ai.

August praw kaw nna Manmaw ginra de majan laja wa ai re hte myen hpyen dap gaw tat sum kau ai shara ni yawng hpe bai lu la hkra lagaw lam, nbungli bawm, madang tsaw ai drone bawm ni hte shani shagu gap sharu bun nga ding yang re.

KIA pawng hpawm hpung ni mung tat sum kau ai shara ni hpe bai lu la hkra matut manoi hkap shingla gasat nga dingyang re lam chye lu ai.

Ya aten Jinghpaw Mung ginra hta Manmaw ginra sha n -ga Hpakant ginra hta mung gasat gala majan laja nga ai hta Myen hpyen dap laknak kaba a majaw shani shani shagu Mung masha si hkala hkrum ai lam law nga ai re hpe mung chye lu ai.

Shiga - Pyilan U