Mannaw Gira Hta Ya Aten Gasat Gala Zim Taw Ai Raitim N Bungli Drone Bawm Ni Shani Shagu Gap Bun Nga

Pajau Media

June 26.2025

Gasat gala majan byin ai shata (6) na wa sai Manmaw Muklum zing madu majan gaw n dai laman gasat gala majan laja ai lam n nga shi ai raitim Myen hpyen dap gaw n bungli bawm, Drone bawm ni gap gasat ai lam shani shagu galaw nga ai lam Banmaw Scout Team kaw na chye lu ai.

Myen hpyen dap gaw N bungli bawm, Drone bawm ni hte shani shagu galaw nga ai re hte N dai laman Marang htu sawng ai majaw Hka kaba aten ladaw hpe ahkaw ahkang la nna hpyen htu shadut shamu shamawt wa ai re lam chye lu ai.

Y-8/Y-12 N bungli ni hpe madung jai lang nna Lak nak n-gun, Masha n-gun ni jat bang ai lam ni galaw nga ai lam,Hka lam hku nna mung hpyen n-gun jat lu hkra shakut nga ai re lam chye lu ai.

Ya na masa hta Mali hka mayan shanu nga ai mare kahtawng ni hku nna Shiga masa hpe madat nna jau tau hkyen shajin ai lam ni galaw ra ai lam tsun da ai re. N dai laman Manmaw ginra na Zin Kin mare kaw mung Myen hpyen dap a n bungli bawm, drone bawm ni wa jahkrat ai majaw Mare masha (2) asak si sum ai lam chye lu ai.

KIA pawng hpawm hpung ni kawn Manmaw Muklum zing madu majan hpe hpang wa ai gaw June shata hta shata kru jan shata sanit de du shang wa sai re.

Shiga- Htu Seng