Marang Htu Sawng Ai Majaw Mai Na- Laiza-Nang Zaw Hkrun Lam Yak Hkak Hkak Nga Ai Lam

Pajau Media

August 5, 2025

Marang ladu lai htu sawng ai majaw Hka Chyang Hka hte Man Dung Hka kaba wa nna ya aten Mai na, Laiza, Nang Zaw sa lam grai yak hkak nga ai re.

"Ya na zawn marang ta nga tim marang matut manoi htu yang gaw hkawm sa hkawm wa yak sai, hka kaba na lam hten ai, mawdaw ni mung chyat taw ai" nga nna mawdaw la ni tsun ai re.

Lam hten ai hta lam manen ai majaw Langu htaw mawdaw ni gaw lam makau kaw gunrai n kau hpe shaw jahkrat nna she Hkawm sa taw ai lam chye lu ai.

" Lam grai yak ai, Langu htaw mawdaw ni mung Weight grai law ai majaw n kau hpe shayawm kau nna she hkawm ai" nga nna matut tsun dan ai re.

Ya aten Jinghpaw Mung lahta daw de mung marang htu sawng ai majaw Laiza Ginra sha n-ga Lawu ga de mung Hka kaba ai lam hkrum nga ai re hpe chye lu ai.

Shiga Hpring