Masat Yan (1) Balik Wunkat Jawng Yu Hpawng Galaw ai lam

Pajau Media

July 24, 2025

KIO ginjaw ginra Laiza Muklum kata July 23 ya jahpawt daw hkying 9:00 Am aten daram hta Masat yan (1) Balik Du jawng wunkat yu hpawng galaw ai lam chye lu ai.

Wunkat hta Balik Du ni a chye da ra ai hpaji ni, tara Upade lam ni, amu manghkang sagawn hparan ai lam, shiga sawk sagawn ai lam ni hte Mung masha akyu ara gunhpai ra ai lam ni hpe madung sharin ya ai re lam chye lu ai.

Balik Su wunkat hpe lai wa sai January shata kaw nna shata (6) masat nna sharin ya ai re lam, Ka-ni nanghpam n lu sha ai ramma ni asak (18) ning lahta na ramma ni yawm htum tsang shi awng da ai ni hpe hkap la sharin ya nga ai re hpe mung chye lu ai.

Wunkat yu hpawng hta Jawng ma marai (69) rai nna amyu shayi marai (5) mung lawm ai lam, matut nna mung Balik Du wunkat hpe matut manoi hpaw sharin sa wa na re lam chye lu ai.

Shiga- Htu Seng

Photo credit to The Kachin Net