Mawdaw Lam hpaw nna Gunrai Ni Du Wa Sai Raitim Htenza Mat Ai Lam Law Nga

Pajau Media

July 23, 2025

Mandalay Myitkyina Hkrun lam lapran aten grai na mat ai hpang Lam bai hpaw ai aten du wa ai Gunrai ni gaw hten yet mat ai lam law nga ai lam chye lu ai.

"N dai laman hkrun lam mayak a majaw Lawu ga na bai du wa ai gunrai nam law mam lap ni gaw yawng ngu na daram hten yat ai law ai, anhte na matu gaw sum machyi lam hkrai, gumhpraw mung sum gunrai mung sum rai taw nga" nga nna Myitkyina kaw na namlaw nam lap dut hpaga galaw ai amyu shayi langai tsun ai.

Mandalay Myitkyina Hkrun lam lapran marang htu sawng ai majaw mawdaw law law lam lapran chyat mat ai re hte July 22 ya shani she Mkn ginra de gunrai htaw mawdaw n kau du wa ai re.

Gunrai mawdaw ni du wa ai raitim hten mat ai gunrai ni law ai majaw gunrai dut hpaga galaw masha ni sum machyi hkrum nga ai re.

 စပယ်နံ့သာ-ပေကြီး koi lam hku nna marang zim sai re majaw gunrai htaw mawdaw ni July 22 ya jahpawt daw kaw nna bai hkawm sa nga sai re hpe mung chye lu ai.

Shiga - Hpring