Mawhan Kaw Mawdaw Hte Cycle Adawt Manghkang Byin Ai Hta Cycle Jawn Ai Masha Lahkawng Kalang Ta Asak Si Sum Ai Lam

Pajau Media Channel

April 29, 2024

Jinghpaw mung Sagaing jarit mayan Mawhan mare lam maw kaw April 27 ya shana daw Hkying 5:00 PM aten daram hta mawdaw hte cycle adawt manghkang byin ai nna cycle jawn ai lahkawng kalang ta dai shara kaw nan asak si sum mat ai lam, mawdaw gawt ai la wa adawt kau da nna hprawng yen mat ai lam chye lu ai.

“cycle jawn ai lahkawng gaw cycle magaw ai kaw mawdaw npu de shang mat wa ai re, mawdaw cycle lahkawng yan grai shajang ai, cycle gau ai wa hte jawn lawm ai amyu shayi kalang ta dai shara kaw nan asak si sum mat ai re, mawdaw gau ai la wa ai gaw mawdaw hpe tawn kau da nna hprawng mat ai re ” nga nna myi chyaw mu ginra masha tsun ai re.

Asak si sum mat ai yan gaw Mawhan mare masha re lam, masha adawt sat manghkang byin ai mawdaw numbat gaw MDY 5A-6189 re lam hte mawdaw gau ai wa gaw kadai gara kaw na re ngu hpe tup hkrak n chye lu a ai lam girna masha ni tsun ai kaw na chye lu ai.

Shiga - Kachyin Pyi Tar