Min Aung Hlaing Lata Tang Shawn Ai Hkringmang Marai 30 Hpe Dai Ni Shagrin Nna Lit Shatsam Ai Lam

Pajau Media

9 April 2026

Gumshem myen hpyen ningbaw Min Aung Hlaing gaw asuya nnan na matu tang shawn lata wa ai hkringmang marai 30 hpe ninghkap ai masha nnga ai majaw, dai ni Apeil 9 ya shani hta galaw ai rapdaw zuphpawng hta shagrin nna lit shatsam dat sai re.

Masun lang ngu na mungdan rapdaw shawng ningnan zuphpawng galaw ai manga ya shani, dai ni April praw 9 ya nhtoi hta Myen Hpyen Ningbaw Min Aung Hlaing tang shawn da ai hkringmang marai 30 hpe lit shatsam na matu ninghkap ai masha nnga ai majaw, rapdaw kawn myit hkrum wa sai hpe chye lu ai.

Dai sha n-ga masum lang ngu na Jinghpaw mung rapdaw na shawng ningnan zuphpawng galaw ai manga ya shani hta hkringmang daju kawn Jinghpaw mungdaw asuya nnan na matu hkringmang dap hte amying jahpan ni hpe tang shawn wa ai re.

Gumsan hpyen du Min Aung Hlaing hpe rapdaw kawn gumsan magam lata shatsam ai hpang asuya nnan de na matu shakut nga nna, hpawt ni na nhtoi hta galaw na rapdaw zuphpawng hta gumsan magam hte asuya hpung shang hkringmang ni ga shaka la na hpe chye lu ai.

Shiga - Hpring