Mohnyin Ginra Hta Amyu Shayi Langai A Moi Mang Mu

Pajau Media Channel

19th April, 2024

Mohnyin Deng Shi mare kanoi sun makau kaw April 18 ya shana daw hta hpa majaw asak si sum ai re n chye lu ai amyu shayi langai a moi mang hpe mu ai lam Myethar Laynyin karum kahtau hpung ni tsun ai re.

Moi mang hte seng nna sagawn yu ai hta asak si sum mat ai amyu shayi gaw myit n gring ai amyu shayi langai re hte hpa majaw ya na zawn asak si sum mat ai ngu hpe gaw tup hkrak n lu chye lu ai lam karum kahtau hpung ni tsun ai. “Shi gaw nta kaw na mat mat ai 20 ya daram re sai nga na dum nta masha ni tsun ai. Shi mat ai hte nta masha ni hkan tam ai tim n mu ai. Nta kaw na n dum shami pru hkawm mat mat re ai jahkring hkring re. Shi moi mang hpe yu yang n htoi 10 ya daram na sai nga na tsi sara ni tsun maram da ai re."

Asak si sum mat ai amyu shayi gaw asak (57) ning re ai Jan Sau Myaw ngu ai amyu shayi re hpe mung chye lu ai. Lai wa sai March 22 ya shani hta mung Mohnyin He Lung mare sun galaw sha ai shara Aung Chan Tar lawk kaw baw ga nna asak si sum ai la langai a moi mang hpe mu hta la ai lam ginra masha ni tsun ai kaw na chye lu ai.

Shiga - Kachin Pyi Tar