Mohnyin Ginra Hta Asak Si Sum Taw Ai Moi Mang Mu Hta Ai Lam Law Wa

Pajau Media

August 5, 2025

Mohnyin ginra hta Hpa majaw re n chye sha Masha asak si sum ai lam, madu tam n mu ai Moi Mang mu hta ai lam law nga ai re hpe chye ju ai.

Mohnyin Muklum Te Gyi kung mare makau kaw mung asak si sum taw ai Moi Mang hpe August 3 ya shana daw hkying 1 daram hta mu hta ai lam chye lu ai.

Asak si sum ai wa hte seng nna matut sagawn yu ai hta He Lung Mare kaw nn U Kyaw Theing ngu ai wa re lam , Mattar ley Nyin garum hpung ni hku nna madu tam n mu ai Moi Mang ngu nna Facebook n tsa kaw mara ai majaw Madu bai mu tam la ai re lam chye lu ai.

"Moi Mang mu ai shaloi kadai re pyi n chye gara kaw na re pyi n chye, dai hpe ngai Facebook n tsa Kaw mara dat tang she madu bai mu ai, shani ka -ang daram hta gaw Tsi rung de wa sa ai" nga nna tsun ai re.

N dai laman Madu n mu ai Moi Mang mu hta ai lam jahkring hkring re hte shinggyim garum hpung ni hku nna Madu n mu ai Moi Mang hku nna hta makoi kau ai lam shata mi laman 3 daram nga ai lam chye lu ai.

Shiga - kachin Pyi Tar