Mohnyin Ginra Hta Myen Hpyen Dap Hte KPDF Lapran Gasat Gala Byin Ai Hta lak nak kaba gap dingyang rai nga ai lam

Pajau Media Channel

20 April ,2024

Mohnyin Namma mare makau de April (19) ya shani hta Myen hpyen dap hte KPDF lapran gasat gala majan byin ai hte Myen hpyen dap maga kawn Laknak kaba dingyang gap bang nga ai majaw Mung masha ni grai hkrit tsang nga ma ai re hpe mung chye lu ai

Mohnyin girna hpyen shamu shamawt nga ai masa lam hte seng nna ginra masha langai tsun ai hta“ mani sha Namma sinpraw dingda maga de hpyen n-gun htu shadut ai lam galaw ai, dai maga de KPDF ni nga ai shara re, dai kaw Ang Katut gasat gala majan byin ai re, laknak kaba dingyang gap ai ” nga nna ginra masha langai tsun ai re.

Namma amyawk Dap hte Mohnyin dakkasu Jawng kaw nna mung laknak kaba (12) lang ram gap garum ai re hte KPDF maga na mung lak nak kaba bai n htang gap ai re. lai wa sai April praw hta mung Myai mare kaw Lak nak kaba hkrat kapaw ai majaw Mare masha lahkawng kaw wa hkra nna asak si sum mat ai hte Lak nak kaba si a majaw mung masha asak si sum ai lam jahkring hkring byin ai re majaw ginra masha ni grai hkrit tsang nga ma ai re.

Myen hpyen dap gaw Mawdaw ahpraw lahkawng hte Mohnyin kaw nna Namma maga de Myen hpyen dap gaw hpyen n-gun jat ai lam galaw nga dingyang re hte 2024 shaning n nan daw kaw nna gasat gala majan jahkring hkring byin nna lak nak kaba gap bang ai majaw mung masha asak si sum hkala ai lam ni mung law law nga sai re, n dai laman hta mung sinat kaba n sen ni dingyang ngu na daram na nga ai lam ginra masha ni tsun ai.

Shiga - Kachin Pyi Tar