Mohnyin Ginra Hta Wuhpung Hku Hpyi Sha Ai Lam Law Wa Ai Hte Seng Adup Hpaw Damya Mya Ai Lam Law Wa

Pajau Media

September 12, 2025

Jinghpaw Mung Mohnyin ginra hta bungli n lu na hkan hpyi sha hkawm ai masha wuhpung hku law wa ai hte seng adup hpaw mya lu mya sha lam jahkring hkring byin ai majaw shimlam grai myit tsang ra ai nga nna ginra masha ni tsun ai kaw na chye lu ai.

" Shanhte gaw muklum ting gayin nna hkan hpyi sha ai, lahkawng masum run run rai nna n jaw yang mung tinang hpe bai dingsa na tsang ra ai, hpyi sha n lu yang gashun gashe law wa na myit tsang ai" Mohnyin ginra gunrai dut sha nga ai asak 40 ning re ai amyu shayi tsun ai.

Ya aten သိမ်အင်း lawk kaw na arai chywi sharin ai seng, ရေလည်ကျွန်း lawk kaw na hkyep din seng hte မီးရထားလိုင်း kaw na second phone dut seng ni hkan zaw adup hpaw mya ai lam hkrum nga ai re. Ya na zawn wuhpung hku hpyi sha ai ni gaw ka-ni nang hpam lu sha masha ni re hte Mohnyin ginra masha ni n lawm ai lam chye lu ai.

Lai wa sai August 24 ya shani Mohnyin Myo Ma gat makau kaw ka-ni lu sha masha marai 60 daram hpe wa kabai da ai lam byin ai hpang ya na zawn wuhpung hku hpyi sha hkawm ai lam law wa ai re hpe chye lu ai.

Dai sha n-ga In Daw Gyi ginra Maw maga de na ka-ni lu sha masha ni rai nna ka-ni lu sha na matu grai yak hkak wa ai majaw lagut damya manghkang ni law wa ai hte masha sat manghkang du hkra byin hkrum nga ai re hpe chye lu ai.

Ginra kata shimlum lam hpe tau nna makawp maga lam ahkyak ai lam, lit nga ai ni kawn ya na zawn byin nga ai masa hpe atsawm hparan ra na hpe ginra masha ni ra sharawng nga ma ai re.

Dai zawn sha Myitkyina Muklum kaba hta Mung lagut Damya, dum n ta hkan lagu shang nna Mya ai lam, cycle gashun ai lam, Masha Sat manghkang ni byin sawng nga ai re hpe chye lu ai.

Shiga - Kachyin Pyi Tar