Mohnyin kaw Thadin Gyut Poi lamang Shang lawm Ai Ramma Marai (20) Hpyen Lahkawn Hkrum Ai Lam

Pajau media

October 7.2025

Mohnyin Muklum hta Thadin Gyut poi lamang hkawm chyai ai Ramma marai (20) daram hpe SNA kawn hpyen lahkawn mat ai lam chye lu ai.

“ Rung pat n htoi re majaw Hopin Muklum, Myo Tit Kalay, Mye Nu mare sumri mahkrai hkan hkawm chyai ai ramma ni hpe SNA kawn hpyen lahkawn mat ai re, marai (20) daram lawm mat ai ” nga nna tsun ai re.

Rim woi hkrum ai ramma law malawng gaw Myitkyina, Namti, Hopin Muklum hkan na ramma ni rai nna Mye Nu mare kaw na ramma n kau mung lawm ai lam chye lu ai. Mohnyin Muklum kata hta SNA hte Sam HKyeng P.T.Ts pawng hpawm hpung ni kaw nna masat yan (4) a matu September shata htum wa maga kaw nna hpyen lahkawn ai hta Balu Muklum Pon Chyaung, Pinhe ginra Pin Tar mare ni kaw na ramma ni hpyen lahkawn hkrum ai rai nna Nam Mun Hkalup hpung nawku jawng wang hta hpyen wunkat jaw na matu sa hkrum ai lam chye lu ai.

Shiga- Kachin pyi Tar