Mohnyin Mawdaw daru makau kaw Shimlam La Nga Ai Myen Asuya Hpyen Lahkawng Sinant Gap Sat Hkrum

Pajau Media Channel

5th February,2024

Mohnyin mawdaw daru mayan hta shimlam la nga ai Myen asuya hpyen la lahkawng Feb (4) ya shana daw (5:00) PM daram Myen hpyen maga na Gyi Jum hte hpyen ma gap sat hkrum ai lam ginra masha ni tsun ai kaw na chye lu ai.

Gap sat hkrum ai yang aw Feb (4) ya shana daw shat seng langai kaw shana shat wa mari nga ai aten Mying n chye lu ai, shinggan bu hpun palawng hpun da ai lak nak lang La marai (3) du wa nna dai shara kaw gap sat hkrum ai re hpe mung chye lu ai. Mabyin hte seng nna mu chyaw mu mung masha langai tsun da ai hta “Sinat nsen na ai majaw yu dat yang Shat seng shawng kaw dung lahkum kaw lahkawng yan si taw sai, makau de n gwi gahtep ai majaw di gaw nsa yu ai, San jep katut na tsang ai majaw” nga nna ramma langai tsun da ai re.

N dai mabyin hpang ginra mung mash ani hkrit tsang nga ma ai re hte shana hkying (7:00) PM daram hta gaw Mohnyin ah Myawk dap kaw nna lak nak kaba hkrup mara gap kapaw ai lam ni nga ai re hpe mung chye lu ai.

Mohnyin girna shamu shamawt nga ai Lak nak lang hpung ni gaw shinggan bu hpun palawng ni hte shamu shamawt hkawm nga ai re majaw gara maga na re ngu ai hpe tup hkrak nlu tsun ai re. Gap sat hkrum ai Gyi jum hte hpyen ma yang aw Mohnyin muklum Miwa lup wa hte dakkasu makau kaw dap jung ai lagaw dap Masat (15) kaw na re lam mung chye lu ai.

Shiga-Kachin Pyi Tar