Mohnyin Muklum Kaw Asak 23 Ning Num Kasha Langai Mat Nga Ai Lam

Pajau Media

July 17, 2025

Mohnyin Mayin Kung mare kaw nna asak 23 ning re ai Ma Nan Shwe Yamin U ngu ai Num kasha gaw June 26 ya kaw nna matut mahkai n lu mat ai gaw ya aten du hkra hpa shiga mung n na mat nga ai re hpe chye lu ai.

Mat nga ai Num kasha gaw lai wa sai June 26 ya shana daw hkying 3 aten daram kaw nna shinggan de hkawm mat ai kaw nna dum nta de bai ndu wa ai gaw ya aten du hkra re hpe mung chye lu ai.

Dum nta masha ni hte jinghku Jingyu ni grai Myit tsang nga ma ai hte Mohnyin ginra kata grai hkan tam ai raitim N htoi 21 ya na ai du hkra shiga mung n na ai matut mahkai nlu ai re.

Ya aten du hkra dum nta masha ni gaw hkan tam nga dingyang re hte mu hkrup ai ni kadai mung Ph matut mahkai _09441288988, 09894027516, 09678380205 ni hta matut mahkai wa mai ai lam tsun da ai re. Dai sha n-ga June 26 ya shani hta sha Waimaw Muklum Nawng Tar Law lawk (1) kaw nna asak 29 ning re ai La langai mung mat nga ai hte ya aten du hkra n mu shi ai re hpe mung chye lu ai.

Shiga- Kachin Pyi Tar