Mohnyin Muklum Kaw Madu N Mu Ai Sha Asak Si Sum Ai Lam Law Wa

Pajau Media

July 17, 2025

Mohnyin Muklum ထီးလင်းဇာတ်ရုံ kaw July 16 ya shana daw Hkying 4:00 PM aten daram hta kadai re n chye lu ai masha langai a moi mang hpe mu hta ai hte kadai gara kaw na re lam sawk sagawn nga ai hpe Matta Shinggyim nau na garum hpung ni kaw na chye lu ai.

 “ ထီးလင်းကျောင်းဇာတ်ရုံ makau kaw Masha langai si taw ai lam shana wa ai majaw Moi mang hpe tsi rung kaba de mani shana daw hkying 5 ram kaw wa sa sai, Mung chying masat mung n lawm ai, kadai re mung n chye Tsi Rung Mang da gawk kaw tawn da ai, Madu n mu ai re majaw Madu n mu ai hku nna makoi kau na re” nga garum gahtau hpung kaw nna lit nga Salang tsun da ai re.

Asak si sum ai wa gaw kadai gara kaw na re, hpa majaw asak si sum mat ai ngu hpe mabyin n pawt hpe n chye lu ai re hpe mung chye lu ai. Mohnyin ginra kata Phone Internet line ni n lu mat ai majaw ni nawn ai makyin jinghku sagawn na matu mung grai yak hkak ai majaw madu n mu ai Moi mang makoi kau ra ai lam law wa ai re hte shata mi laman Madu n mu ai Moi mang marai (3) daram du wa sai lam chye lu ai.

Shiga- Kachin Pyi Tar