Mohyin Ginra Lay Mi Mare Baw Kaw Ka-Ni Lu Sha Masha Marai (60) Jan Hpe Wa Htaw Sa Da Ai Lam

Pajau Media

August 25, 2025

Jinghpaw Mung Mohnyin ginra Lay Mi mare baw kaw Ka-ni lu sha masha (60) jan hpe mawdaw hte wa sa kabai da ai lam ginra masha ni kaw na chye lu ai.

 Lay Mi ginra masha langai tsun ai hta “ Mare kaw Mawdaw hte nan wa jahkrat da ai re, Ka-ni lu sha masha marai (60) jan ai, dai kaw amyu shayi marai (6) lawm ai, law malawng gaw ya hpun da ai bu hpun palawng ni hte sha, n kau gaw hkyep din pyi n lawm, lu sha mung n lawm, gumhpraw mung n lawm, mare kata shinggrup nna hkan hpyi sha hkawm, mare kata de lagu lagut wa na hpe tsang ai majaw malu masha aloi sha mai lu ai Mohnyin ginra de Mawdaw hte wa sa jahkrat da ai re, maza kabai ai sha na ga ai, ya gaw masha hpe pyi maza zawn wa kabai nga ma ai” nga nna tsun ai re.

Ka-ni lu sha masha ni hpe htaw nna wa kabai da ai mabyin gaw lai wa sai August 15 ya jahapwt daw hkying 10 aten daram hta re lam, Mying n chye lu ai masha langai kawn wa htaw sa da ai re lam chye lu ai.

Ka-ni lu sha masha ni kaw amyu shayi marai (6) lawm nna yawng rai yang marai (60) jan re lam, Ya aten dai ka-ni lu sha masha ni gaw lu sha mung n lawm, bu hpun palawng mung n lawm ai sha n-ga law malawng gaw hkyep din mung n lawm ai hte ya aten Mohyin ginra kata hpyi sha hkawm nga nna ကျားဖြူဘုရားကြီး ဇာတ်ရုံ kaw nga ma ai lam chye lu ai.

Shiga - Kachin Pyi Tar