Momeik-Mabein-Lapran Kaw Nga Ai Hpyen Yen Ni Jau Koi Yen Na Matu Rawt Malan Hpung Kawn Sadi Jaw Ai lam

Pajau Media

May 13, 2026.

Sam Mung dingdung ginra shang lawt asuya KIA uphkang da ai Mabein maga de myen hpyen dap kawn hpyen htu shadut shamu shamawt wa ai majaw Momeik-Mabein lapran kaw nga ai hpyen yen ni tau hkrau koi yen na matu rawt malam hpung kawn sadi jaw da ai lam chye lu ai.

Myen hpyen dap gaw lai wa sai May shata kaw na Mandalay- Momeik-Mabein-Ngar Oo lam hku hpyen n-gun law law hte Jinghpaw mung maga de hpyen htu shadut gasat wa ai re.

Hpyen htu shadut shamu wa ai myen hpyen dap hpe KIA pawng hpawm hpung gaw lapran na gasat ai majaw lahkawng maga gasat gala byin wa ai hte ya ten du hkra lahkawng maga hpyen masa laja nga ai lam chye lu ai.

Dai sha n-ga myen hpyen dap ni gaw Mandalay-Tigyaing-Kata lam hku Jinghpaw mung maga de hpyen lusha gunrai ni sa taw nga nna, mani May 12 ya shani hta gaw lusha gunrai ni htaw wa ai hpyen mawdaw ni gaw Myitkyina muklum de du wa sai hpe chye lu ai.

Shiga-Hpring