Mung Masha Ni Madung Jai Lang Nga Ai Dum Bang Mare Mahkrai Hten Za Ai Majaw Mawdaw Kaba Law Law Chyat Nga Ai Lam

Pajau Media

June 25, 2025

Jinghpaw Mung Chihpwi sa lam Dum Bang mare kaw nna mahkrai gaw jai lang wa ai aten ni na wa sai majaw Ga Kaprang ai majaw cycle, nta jawn mawdaw kaji zawn re ai ni sha mai lai ai hte Mawdaw kaba ni n mai lai ai majaw chyat nga ai aten na wa sai lam Mawdaw sara ni tsun ai kaw na chye lu ai.

“Mahkrai mung aten grai na sai re majaw Ga kaprang wa ai, Wut ni mung hten za wa sai, Daw mat na zawn she san taw, Mawdaw kaba ni gaw n mai hkawm ai, Mawdaw kaji, cycle zawn re ai ni sha hkawm taw ai, mawdaw kaba ni n mai hkawm na chyat nga ai aten ni grai na wa sai” nga nna mawdaw sara ni tsun ai re.

Dum Bang Mahkrai hpe wut hte ngang hkra gaw gap da ai raitim shaning shi jan ning aten na mat sai re majaw hten za wa ai re, Mawdaw kaji hte cycle ni pyi sadi nna lai hkawm ra ai, ya aten Madaw kaba ni n mai lai nna mawdaw Kaba law law chyat nga ai aten na na rai wa sai re hpe mung chye lu ai.

Ya aten Dum Bang mahkrai gaw hten za taw ai raitim mahkrai n tsa kaw hpri Pa ni hpe nep nna hkawm sa nga ai re lam chye lu ai. Lai wa sai shata laman Hka kaba wa ai majaw dai mahkrai hpe adawt hkra nna grau hten za mat ai masa re hpe mung chye lu ai.

Hten za ai mahkrai hpe bai gram sharai na matu ginra masha ni hpyi shawn nga ma ai re hte ya aten gasat gala majan aten mung re majaw bai gram sharai galaw la na matu yak hkak nga ai masa re lam mung chye lu ai.

Shiga- Hpring