Mungdan Shinggan Du Nga Ai Ni Jau Tau Kaw Nna Ra Lata Sindan Pa Bang Na Matu Ra Lata Poi Commission N Dau Ai Lam

Pajau Media

September 17, 2025

Rap daw ra lata poi galaw ai ginra shara shagu hkan ra lata poi bang na jahpan lawm nna ya aten Maigan du nga ai ni mung jau tau kaw nna sindan pa bang ra ai lam myen mung ra lata poi commission kawn September 15 ya shani n dau da ai re.

Mungdan shinggan de du nga ai ni hku nna jau tau sindan pa bang ai lam hpe masat da ai hkrang(ပုံစံ 15) hte maren bang ra na rai nna October shata 12 ya hpang jahtum tawn nna seng ang ai ginra ra lata poi commission ni de sa ra ai lam tsun da ai re. Dai hpang seng ang ai Jawng, Wunkat Jawng, Hkyuk hte Tsi Rung ni hkan mung November 25 kaw na 29 laman jau tau na sindan pa bang ai lam galaw na re hpe mung chye lu ai.

Myen hpyen dap gaw du wa na December 28 ya hta ra lata poi daw (1) hpe ginra (102) hta galaw na re lam n dau da ai hpang ra lata poi daw (3) hpe mung daw hte daw garan nna galaw sa wa na re lam tsun da ai re.

Raitim rawt malan hpung ni gaw myen hpyen dap woi awn galaw ai ra lata poi hpe ninghkap nga ma ai rai nna NUG asuya mung Mung masha ni hpe ra lata poi hta n shang lawm na matu tsun shadut ai lam nga ai re hpe mung chye lu ai.

Shiga - Htu seng