Mungkan Tara Rung Myen Hpyen Dap Hpe Gumshem Ai Hpung Langai Hku Na Tara Shang Masat Na Matu KHRW Hpyi Shawn Ai Lam

Pajau Media

December 10, 2025

December 10 ya shani gaw 77 lang Mungkan shinggyim ahkaw ahkang masat n htoi mung re hte dai shani hta KHRW kawn myen hpyen dap hpe Gumshem ai hpung langai hku nna Mungkan Tara Rung kawn masat kau na matu hpyi shawn da ai re hpe chye lu ai.

Dai Ning Mungkan shinggyim ahkaw ahkang masat n htoi lashum ga hku nna "Our Voice , Our Fight, Our Right" ngu ai re hte Mungkan Mungdan hta gaw n dai masat n htoi hpe wang lu wang lang lu galaw ai raitim Myen Mungdan hte Jinghpaw Mungdaw ginra ni hkan gaw shani shagu shinggyim ahkaw ahkang lawt lai lam ni hkrum sha nga ai re.

Myen hpyen dap hpe Gumshem ai hpung langai hku na masat na matu hpyi shawn ai hta lawng Lam 4 hku nna hpyi shawn da ai re hpe chye lu ai.

Myen hpyen dap kawn mung shawa a n tsa lawt lai ai n tara ai mabyin manghkang ni hpe lit la, hkam la na lam, Mungkan kawn Myen hpyen dap hpe Gumshem ai hpung langai hku na masat na lam, Myen hpyen dap hpe garum madi shadaw ai Uhpung Uhpawng ni hpe ahkyak la na lam, Mung shawa hpe makawp maga lam jaw na hte Gumshwen ai hku gasat ai lam hpe jahkring na matu, shinggyim ahkaw ahkang hte shinggyim nau na lam hte seng ai Upade hpe hkan sa na matu KHRW kawn hpyi shawn n dau da ai re.

Myen Mungdan kata Myen hpyen dap uphkang ai 4 ning jan laman mung masha law law n tara ai hku rim hkrum, sat Hkrum ai lam, nbungli bawm gap sharu bun ai lam, hkawm sa hkawm wa pat shingdang ai lam, Mung masha dum n ta hte makam masham nawku jawng ni hpe wan nat jahten ai lam lawt lai ai re nga nna mung madi madun da ai re hpe chye lu ai.

Mungkan shinggyim ahkaw ahkang masat n htoi hpe lai wa sai 1948 December 10 ya shani UN kawn masat dat ai re hpe chye lu ai.

Shiga-pyilan U