Mye Za Ga Gyi ai majaw Ye Mase Nlung Tam masha Marai 20 Daram Asak Si Sum Ai Lam

Pajau Media

July 21, 2025

Hpakant Maw Si Zar makau kaw Aung Mye Tar Yar (2) Lung Seng maw hta Mye Zar Ga gyi ru wa ai majaw Ye Mase tam ai masha marai 20 daram lawm mat ai lam chye lu ai.

Ya gyi ru mat ai Mye Za Ga sum bum ai shara gaw Maw Si Zar makau Aung Mye Tar Yar (2) Lung Seng Lawk Seing Seing hte Jack Power Company a shara re lam chye lu ai.

Myi chyaw mu ai Mung masha langai tsun ai hta "Ga gyi ru mat ai kaw n ta kaw rawng taw ai ni ma, n-hkun kaw rawng taw ai Masha ni mung yawng kaput mat ai, yawng rai yang marai 20 daram re na re, ya du hkra gaw Moi Mang lahkawng sha mu shaw la shi ai" nga nna tsun ai.

Ga gyi ru mat ai shara kaw jahpawt maga kaw nna dai ni shani ka-ang aten daram du hkra Marai lahkawng a moi mang sha mu shaw la ai rai n na matut manoi naw tam nga ai re lam chye lu ai.

Hpakant Ginra hta Lanam Ladaw Laman Lung seng Htu ai bungli lawk ni hkan sum bum da ai Mye Za Ga ni gyi ru nna Ye Mase tam ai masha ni kaput si ai manghkang jahkring hkring byin nga ai re hpe mung chye lu ai.

Shiga - ND