Myen Asuya Jawng Hta Ja Gumhpraw Njaw Ra Ai Sha Karum Mat Wa Na Hpe Hpaji Dap Kawn Ndau Ai Lam

Pajau Media

May 21, 2026

Myen asuya hpaji jawng hta 2026-2027 ning hpaji ladaw ten a matu jawng mying bang ai ten ja gunhpraw tsep kawp nhta ai sha karum mat na lam hpe Naypyitaw hpaji dap kawn dai ni May 21 ya shani hta ndau da ai re.

Jawng shabrai, ginsup manu, laika buk, kaga arung arai manu hte laika yu gawk manu hte seng ai ni hpe tsep kawp nhta na hte jawng laika buk, ka laika buk, hke dan, ball pen ni hpe mung karum mat wa na lam hpe ndau laika hta tang madun da ai re.

Dai sha n-ga jawng kaji KG kaw na tsang 12 du hkra karum jaw na arung arai ni hpe mung ndau laika hta tsun da ai.

Kanu kawa ni hku na ja gumhpraw shing nrai mayun kum hpa ni hpe jawng up sara / num ni hpe jaw ai lam ni n galaw na matu mung hpaji dap kawn hpyi shawn da ai re.

Dai hte maren 2021 ning hpang daw jawng hpaji daw hkring mat ai asak 15 ning lawu jawng ma ni hpe mung hpaji madang masam maram (Placement Test) htai shangun nna jawng bai lung na ahkang jaw mat na lam hpe ndau da ai hpe chye lu ai.

Shiga-Htu Seng