Myen Hpye Dap N Bungli Bawm A Majaw Asak Nhpring Ai Ma Marai (105) Asak Si Sum Ai Lam AAPP Ndau

Pajau Media

May 14, 2025

Myen mungdan kata January praw (1) kaw nna May (13) ya du hkra Myen hpyen dap a majaw Asak (18) ning npu asak si sum ai Ma Kaji (105) du hkra nga ai hta num kasha (53), la kasha marai (52) re lam Mung masa bawng masha ni hpe garum nga ai hpung AAPP kawn ndau da ai re.

Asak si sum ai ni hta Sagaing ginra kaw na marai (34) hte asak si sum lam law dik rai nna Magwi ginra hta marai (21) hte numbat lahkawng law dik re lam tang maudun da ai. Aak si sum ai (105) kaw na marai (89) gaw Myen hpyen dap a n bungli bawm a majaw asak si sum ai re lam chye lu ai.

May 12 ya shani hta mung Sagaing ginra na hpaji jang langai hpe Myen hpyen dap kawn nbungli bawm wa jahkrat ai majaw sharin sara Num 2, Jawng ma marai 20 hte yawng pawng marai (22) asak si sum lai wa sai re.

Myen hpyen dap gaw Mungdan ting gan gap hkat jahkring ai lam hpe May shata htum du hkra n htoi htawt sit da ai raitim shani shagu n bungli, lak nak kaba ni hte matut manoi gap bun nga ai re.

May 8 ya kaw nna mung Jinghpaw Mung Manmaw Muklum kata n bungli bawm lahkawng wa jahkrat bun ai majaw hpung gyi jawng kaw hpyen koi yen nga ai mung masha marai (15) daram asak si sum nna marai (30) hkawt hkala hkrum ai lam nga sai re.

Shiga- Htu Seng