Myen Hpyen Dap A Dingsa Gasat Ai A Majaw Hpaji Rung Magam Gun Marai (112) Asak Si Sum Ai Lam

Pajau Media

January 22, 2026

Myen Mungdan hta Myen Hpyen Dap a dingsa gasat ai majaw 2025 laning mi laman hpaji rung magam gun, Jawng sara/Saranum, Jawng ma yawng marai (112) asak si sum ai lam mung masa bawng masha ni hpe garum ai hpung AAPP kawn n dau da ai re hpe chye lu ai.

Asak si sum ai marai 112 kaw nna marai 96 hpe sha AAPP kawn mying hte hkrak shagrin la lu ai rai nna asak si sum ai marai 96 kaw amyu shayi marai 47 , La marai 49 re lam, ngam ai 16 hpe gaw n lu shagrin shi ai re hpe mung chye lu ai.

Hpaji rung magam gun ni asak si sum ai marai 112 kaw nna Myen Hpyen Dap nbungli bawm htim gasat ai majaw asak si sum ai re lam AAPP ndau da ai re hpe mung chye lu ai.

Myen hpyen dap gaw Myen Mungdan Ting hta gasat gala majan byin ai shara hkan sha n-ga gasat gala majan n nga ai shara hkan du hkra n bungli bawm jahkrat htim gasat ai nga ai re hpe mung chye lu ai.

Shiga – Hpring