Myen Hpyen Dap A Laknak Kaba A Majaw Lawng Hkang Ywar Ma Mare Kaw Na Amyu Shayi Langai Hte Ma Kaji Langai Hkala Hkrum Ai Lam

Pajau Media

November 15.2025

Jinghpaw Mung Hpakant Lawng Hkang, Ywar Ma mare kata kaw November 14 ya shani Laknak kaba hkrat kapaw ai majaw Amyu shayi langai hte Ma kaji langai hkala hkrum ai lam ginra masha ni kaw na chye lu ai.

" Mani sha mare kata de laknak kaba hkrat ai na ai, sa gaw n sa yu kau sai, Sara Num langai hte Ma langai hkra ai nga na ai, mying ni mung n chye dat ai" nga nna Hpakant ginra masha langai tsun ai.

Myen hpyen dap a Byuha Kawng kaw nna gap shadam ai laknak kaba gaw hkying 12 jan aten daram kaw Ma Shalet jawng makau kaw wa hkrat kapaw ai majaw Srn Langai hkala ningma sawng ai lam chye lu ai. Laknak kaba langai gaw Mare maga de wa hkrat kapaw nna Ma kaji langai hkra hkala ai lam chye lu ai.

Hpakant ginra hta Myen hpyen dap a Laknak kaba a majaw mara kata Mung masha si hkala hkrum ai rai nna November 12 ya shani Y-12 Nbungli wa jahkrat bun ai majaw Ma kanu langai asak ai sum nna Ma kaji langai hkala hkrum lai wa sai re.

Shiga- Zau