Myen Hpyen Dap Gap Dat Ai Laknak Kaba A Majaw Hpakant Mung Masha Asak Si Sum

Pajau Media

August 1, 2025

Hpakant Ginra kata Myen hpyen dap Laknak kaba gap shadam ai majaw amyu shayi langai asak si sum ai hte marai lahkawng hkala hkrum ai lam chye lu ai.

Asak 37 ning re ai Kanu Num asak si sum mat nna, asak 15 ning re ai num kasha hte asak 13 ning re ai La kasha shan nau hkala sawng ai lam chye lu ai.

Ma Num kasha wa gaw lata maga mi daw kau Ra ai madang byin nna La kasha wa mung hkala ningma sawng ai lam chye lu ai.

Mabyin gaw July 30 ya shana daw hkying 8 :00PM aten daram hta Hpakant Byuha Kawng Kaw nna gap shadam ai majaw Lawng Hkang kaw nna Mung masha dum n ta kaw wa hkrat kapaw ai majaw ya na zawn hkala sawng mat ai lam chye lu ai.

Shiga. Htu seng