Myen Hpyen Dap Gaw Gasat Gala Majan N Nga Ai Mare Ni Hkan Nbungli Laknak Kaba Gap Gasat Nga Dingyang Re Lam

Pajau Media

5th September, 2025

Myen hpyen dap gaw Waimaw Lamyang de nbungli laknak kaba gap ai hta sha n ga, gasat gala n nga ai Mukchyik, Nam wa mare ni hkan du hkra majan matut manoi galaw nga ai re.

Waimaw Lamyang de August hpang jahtum bat kaw nna gasat gala majan laja wa ai re hte Lamyang mare sha n-ga makau grup yin na mare kahtawng hkan du hkra nbungli bawm gap bun ai lam ni galaw wa ai re.

Lamyang de August 27 ya kaw nna htu shadut htim gasat wa ai re hte September praw laman majan sawng dik byin ai hta nbungli laknak kaba ni laja lana gap bun nga ai lam chye lu ai

Lai wa sai August 31 ya shani hta mung Waimaw Nam Wa mare kaw Myen hpyen dap Jet Fighter hte bawm wa jahkrat ai majaw hpyen koi yen dum n ta masha marai 5 hkra hkala ai kaw na 7 ning re ai ma asak si sum sai re.

Myen hpyen dap gaw Mung masha hpe matsat shingte tawn nna dingsa gasat ai lam n dai hpang daw de grau galaw wa ai re lam KHRW kawn mung tsun n dau da ai lam chye lu ai.

Shiga - Hpring