Myen Hpyen Dap Gaw March Shata Praw 2 Ya Shani Bawng Masha Marai 7000 Jan Shalawt Ya Ai Lam

Pajau Media

3 March 2026

Myen Hpyen Dap gaw March praw 2 ya shani hta rim bang da ai bawng masha marai 7000 jan hpe dat shalawt ya ai hpe ndau da ai.

Gumshem Myen Hpyen Dap Kasu kaprawng tara kanu 50 (ည), 52 (က) ni hte htawng hkrat nga ai bawng masha marai 7337 hta Jinghpaw mung Myitkyina hkyuk htawng kaw na marai 3 hte Moehnyin hkyuk htawng kaw na marai 6 lawt lu wa ai re.

Dai sha n-ga dai Tara kanu 50 (ည) hte daw 52 (က) hte rim ahkyak la san jep nga ai 9532 hpe mung dai tara kanu 2 dawm shaprai kau ya ai majaw lawt wa ai re hpe chye lu ai.

Myen Hpyen Dap gaw bawng masha marai 7000 jan hpe shalawt ya wa ai hpe ndau da ai rai tim PPMN na March praw 2 ya shani du hkra ndau da ai hta Myan Mung hkyuk htawng 31 kaw na bawng masha marai 3613 sha lawt lu ai re hpe mung chye lu ai.

Shiga-Hpring