Myen Hpyen Dap Gaw Myitkyina Ginra Kata Lai Wa Lai Sa Ni Hpe Sawk Jep Ai Hta Gumhpraw Ni Du Hkra La Kau Ya Ai Lam

Pajau Media

November 19, 2025

Myitkyina Muklum kata lai wa lai sa Lam maw hkan myen hpyen dap shara la jep joi ai lam ni dingyang galaw ai hta Mung masha ni kaw na mu mamu arung arai hte sumbu hkan na Gumhpraw ni du hkra shaw la kau ya ai lam Myitkyina ginra masha tsun ai.

" Shara mi kaw dingyang nga ai hku gaw n re, myit lu yang lu ai hku jep, grau na gaw Chyarapati maga de jep ai ni gaw Gumhpraw sumbu ni hkan na Gumhpraw ni la kau ya, sha hpa ni mung shanhte ra yang la kau ya dai hku galaw ai, Mya la ai hku she rai taw sai, ra ahkyak ai majaw hkawm sa ra tim pyi grai myit tsang ai" nga nna dai ginra masha tsun ai re.

Myen hpyen dap mungdan daru magam zing madu ai hpang kaw nna Ginra kata lagut damya manghkang ni lani hte lani law jat wa ai hta mungdan hpe uphkang nga ai ni nan ya na zawn galaw ai majaw Ginra masha ni grai yak hkak nga ma ai re.

Dai sha n -ga Myitkyina Ginra kata bat mi hta 3 lang ram gaw gashun gashe manghkang ni byin nga ai hte ya na zawn galaw ai ni gaw asak ram nna n- gun ja ai Ramma pang ni law ai rai nna lit nga ai asuya kawn mung ahkyak la ai lam n nga ai re majaw Ginra kata nga ai Mung masha ni tinang shimlam hpe tinang sadi maja let hkawm sa ra ai lam myitsu salang ni tsun sadi jaw da ai re.

Shiga- Pyilan U