Myen Hpyen Dap Gaw Waimaw Hkran De Shara La Shamu Shamawt Lam Ndai Laman Grau Galaw Wa

Pajau Media

May 30.2025

Ya aten Jinghpaw mung shara n kau hkan hpyen masa zim nga ai raitim Manmaw hte Hpakant ginra de hpyen masa grai shaja nga dingyang sha n-ga n dai laman Waimaw hkran de mung Myen hpyen dap shara la shamu shamawt lam grau galaw wa ai lam chye lu ai.

“ N dai laman Balamin Tin Mai Na hkran maga de myen hpyen dap shim lam grai shagreng wa ai, shawoi gaw Lai wa lai sa Mawdaw ni hpe madung jep ai raitim dai hpawt hkan gaw Cycle ni hpe jahkring jep ai hpe mu ai, Mai Na hpyen yen camp hte kade ntsan ai shara hkan mung P.T.Ts ni shara jahkrat jep joi ai lam ni galaw wa ai” nga nna Mai Na ginra nga masha langai tsun ai re.

Shawng daw de hpyen shamu shamawt ai nga tim Maina hte grai ni htep ai hkan shagyit dung ai lam n nga ai, raitim ndai laman Maina hpyen yen camp makau kaw sha P.T.Ts ni shara la nga sai lam Mai Na ginra masha matut tsun dan ai.

“ Dai Maina Shang wa ai kaw sha re, Sam Hkyeng P.T.Ts ni dung taw sai, ya gaw anhte hpyen yen ni mung buga de wa ten re majaw kalang wa Yang arai lahka nga ai aten mung re, dai kaw she Hkap jahkring san jep, gumhpraw hta sha rai na hkawm sa hkawm wa dut dang ai, ya gaw hpyen masa mung grau shuk wa ai majaw shara la wa ai ga mung rai nga, kaja byin wa yang gaw Mai Na Camp hte grai ni sai gaw ” nga nna tsun ai re.

 Wai maw Jam Ga, Hkat Cho maga de mung May (28) ya hta gasat gala majan byin ai lam nga ai hte ya aten Lamyang Wuyan maga de mung hpyen masa gaw lahkawng maga grai shaja nga ai masa re lam ginra masha ni tsun ai.

Myen hpyen dap gaw Washawng maga de hpyen n-gun jat dingyang rai nna Waimaw Wunyan maga de gaw hpyen shada grai ni gahtep hkat nna grai maja hkat ai masa re lam ginra masha ni tsun ai.

Maimaw hkran maga de mung sinat kaba n sen shani shana na taw nga ai re hte n dai masa hku rai yang kade n na ai ten Waimaw (58) dap hpe gap na masa nga ai lam Hpyen masa tsun maram ai Salang ni tsun nga ma ai re.

Shiga- Pyilan U