Myen Hpyen Dap Hpyen Garum Sanghpaw Li Manmaw Maga De Matut Manoi Lung Nga Ai Lam

Pajau Media

22 July 2025

Mandalay kaw nna Jinghpaw mung de man yawng nna Lung wa ai Myen hpyen dap Sanghpaw ni hpe Rawt malan hpung ni kawn lam ka-ang kaw htim gasat ai hpang July 22 ya shani hta mung Manmaw maga de man yawng nna matut manoi lung wa ai lam chye lu ai.

July 19 ya kaw nna Hpyen laknak arung arai htaw nna Jinghpaw Mung de man yawng lung wa ai Myen hpyen dap Sanghpaw ni hpe rawt malan hpung ni htim gasat ai majaw Sanghpaw 2 gaw Lup mat nna 3 gaw hten za mat ai lam Mandalay PDF hpung ni n dau da ai re hpe mung chye lu ai.

Naw ngam ai Hpyen Sanghpaw ni gaw July 22 ya jahpawt daw kaw nna Indaw ginra de du shang wa nna Manmaw maga de matut manoi lung nga ai re lam chye lu ai. 2024 December shata kaw nna Manmaw Muklum zing madu masing hte htim gasat nga ai gaw ya aten du hkra re hte Myen hpyen dap gaw Lak nak arung arai Malu mashani hpe htaw lahka na matu Hka lam hpe jai lang wa ai re. Hka Lam hku nna Mandalay Sanghpaw daru kaw nna July 17 ya kaw nna lung wa ai re lam chye lu ai.

Ya aten Jinghpaw Mung Hpakant ginra, Indaw Gyi ginra hte Manmaw ginra ni hta Myen hpyen dap gaw matut manoi hpyen n-gun htu shadut nga ai re majaw Lahkawng maga gasat gala majan laja nga ai rai nna N bungli bawm htim gasat ai lam ni mung matut manoi galaw nga ai re hpe mung chye lu ai.

Shiga- Hpring

 Photo- Credit to Owner