Myen Hpyen Dap Hte SNA Pawng Hpawng Dap Ni A Jammer Mara Ai Mawdaw Hpe KIA Ni Zing La Nna Wan Nat Ai Lam

Pajau Media

August 19, 2025

Jinghpaw Mung Daw Indaw Gyi ginra Mai Nawng mare majan laman myen hpyen dap hte SNA pawng hpawng dap ni jai lang ai Jammer mara ai mawdaw hpe Jinghpaw mung dan shang lawt hpyen dap KIA pawng hpawng dap ni kawn zing la lu ai lam hpe shawng lam shiga ni kawn chye lu ai.

August 18 ya shani Mai Nawng hte Mamung Kai majan laman SNA a Jammer mara ai mawdaw hpe zing la nna wan nat jahtyen kau ya sai lam hpe chye lu ai.

July shata hta KIA dap ni tat kau ai Indaw Gyi ginra Mai Nawng hte Mamung Kai mare hpe KIA ni kawn ndai laman bai zing la nhtawn Mamung Kai mare hpe gaw lu zing la sai lam re ai.

Dai majaw dai ni du hkra Mai Nawng mare hta myen hpyen dap sam hkyen P.T Ts ni hte KIA pawng hpawng dap ni hte matut majan byin nga dingyang hpe chye lu ai.

Mai Nawng hte Mamung Kai mare hpe July 14 ya shani hta myen hpyen dap hte myen hpyen dap npu kaw na SNA pawng hpawng dap ni kawn htu shadup gasat zing la nna dap dung nga ai shata mi jan hta KIA pawng hpawng dap ni bai zing la lu ai re ai.

Shiga - Hpring