Myen Hpyen Dap Kawn 78 Lang Na Jinghpaw Mungdaw Nhtoi Hpe Wu Wu Di Di Galaw Sa Wa Na Lam

Pajau Media

January 8, 2026

Myen Hpyen Dap kawn 78 lang na Jinghpaw Mungdaw Masat Nhtoi hpe Myitkyina Shatapru Lawk Manau Wang kaw shawoi shaning na hte n bung hkra Wu Wu di di rai poi lamang galaw sa wa na re lam chye lu ai.

“Dai ni kaw nna Manau Wang shawng kaw nna gat seng ni yawng n dut mat sai nga tsun ai, dai ni 4 ya kaw nna seng ni n dut shangun sai, n kau gaw jahpawt jau hpaw ai ni gaw nga ai, masha kaba ni n rawt shi ai aten nga nna hpaw ma ai, Jinghpaw Mungdaw Masat Nhtoi poi lamang galaw na nga tsun ai, manau ka ai lam mung wu wu di di galaw na da” nga nna Myitkyina ginra masha tsun ai re.

78 Lang Na Jinghpaw Mungdaw Masat Nhtoi lamang hpe Jinghpaw Mungdaw Asuya hpung kaw nna woi awn galaw na matu hkyen da ai rai nna shagun laika hti ai lam, Manau ka ai lam, madun gawk ni madun ai lam, shagrau sha-a lamang ni hte htunghking jau hkyen shingjawng lamang ni lawm na re lam bungli hpawng bawngban ai lamang kaw nna chye lu ai.

Jinghpaw Mung Daw Masat Nhtoi hpe January 9 ya shani hta Padang Manau nau ai hte hpaw hpawng lamang hpe galaw na rai nna Polytechnic University (Myitkyina) hpaw hpawng lamang mung galaw na re sha n-ga January 8,9 ya hta htunghking jau hkyen shingjawng ai lam ni galaw sa wa na re hpe mung chye lu ai.

Shiga: Htu Seng