Myen Hpyen Dap Kawn Gap Dat Ai Scucide Drone Bawm A Majaw Mung Masha Lahkawng Hkala Hkrum Ai Lam

Pajau Media

October 17, 2025

Myitkyina maga kaw nna gap shapyen dat ai Myen hpyen dap a Scucide Drone langai October 16 ya shana Hkying 11 :55 Pm aten daram hta Laiza Muklum kaw wa hkrat ai majaw Mung masha lahkawng hkala hkrum ai lam chye lu ai.

Dai Scucide Drone bawm langai gaw Laiza Muklum shinggan kaw wa hkrat nna, bai langai gaw Muklum kata na seng langai kaw wa hkrat kapaw ai re lam chye lu ai.

Muklum kata nga ai Seng langai kaw wa hkrat ai hta N ta num gaw hpri pa ni yawng hten za mat ai hte Seng sin ai Miwa Shan La Bawm hkyep hkra hkala ai lam chye lu ai.

Lai wa sai September 21 ya hta mung Myen hpyen dap a Scucide Drone bawm 3 gaw Laiza Muklum makau kaw wa hkrat lai wa sai re.

Ya aten shara shagu hta Rawt Malan Hpung ni hte Myen hpyen dap lapran shani shagu hpyen masa shaja hkat nga ai rai nna Myen hpyen dap maga sum machyi ai lam law yang Mung masha ni nga ai de Laknak kaba, Drone bawm, Nbungli bawm ni gap bun ai lam jahkring hkring galaw ai re hpe chye lu ai.

Shiga - Htu seng