Myen Hpyen Dap Kawn Ra Lata Bang Na Jahpan Hpe October 20 Ya Du Hkra N htoi Jat N dau Ai Lam

Pajau Media

October 17, 2025

Myen hpyen dap woi awn galaw na Democrecy ra lata poi a matu shawng n nan lang Ra lata bang na jahpan n dau ai lam hpe October 20 ya shani du hkra nhtoi jat nna n dau da na re lam UEC rung kaw nna Massage hku shana ai lam chye lu ai.

Ra lata bang na matu jahpan n dau ai lam hpe September 30 kaw nna October 13 ya du hkra n htoi 14 ya shakap ndau ai rai nna du wa na October 20 ya du hkra n htoi jat n dau da na re lam chye lu ai.

Dai sha n-ga tinang na mying n lawm yang masat da ai tara hte maren hpyi shawn ai lam galaw ra na hte Mying, Mung Chying masat, Kawa Mying ni shut shai taw ai rai yang bai gram sharai mai ai lam, n dau da ai jahpan hta n lawm ging ai ni lawm yang ninghkap ai lam mai galaw ai re hpe chye lu ai.

Myitkyina kaw gaw Du Kahtawng lawk, Mye Myit , Myo Tit Gyi, Dap Kawng Lawk ni hkan ndau da sai rai nna Putao, Manmaw, Mohnyin ginra ni hkan mung n dau da ai re lam hte Muklum htim gasat majan laja nga ai Manmaw ginra na jahpan ni hpe mung Mungdaw ra lata poi hte seng ai Commission rung kaw shakap da ai re hpe mung chye lu ai.

Myen hpyen dap a shawng ningnan daw na Ra lata poi hpe du wa na December 28 ya hta galaw na rai nna Ginra 102 daram hta galaw sa wa na re lam chye lu ai.

Shiga- Htu Seng